Fulɓe e kuutira balndi nder metuki. Mawɓe Fulɓe daga ko neeɓi to e mbolwa, e ɓe meta nder balndi. Balndi e holla haala suuɗika. Sey to neɗɗo numi ko luggi nden hetta ko ka wiˈata ngam faama. E woodi balndi Fulfulde feere-feere.
Raa to janngata balndi dow Hakkiilo:
(1) A yahataa caangol, nden lootira juuɗema e toɓɓel ndiyam.
(2) Arɗiiɓe njaawaayii, nden boo sakitiiɓe neeɓayii.
(3) Dawuɗo no hissay naange.
(4) Ɗon to ngol sewri ngol ta’ƴirta.
(5) Ɗuwaaki nde heltata, ndikka towruki daga arannde.
(6) Gikku maarori ammaa hakkiilo nyebbe.
(7) Gite nyamataa amma e ɗe anndi ko reedu haari.
(8) Gonndal kedde luwe.
(9) Hakkiilo yi’ata, gite boo ɗum ndiyam meere.
(10) Jooliiɗo koo laɓi hokka nanngay.
(11) A femmbataa goɗɗo walaaɗon.
(12) Ɓinngle ƴettataa ɓinngel.
(13) Ɗowndi irataake, to njaaɗafuu ndi tokkete.
(14) Ɗuˈum maa ɗum mbabba tan, joomu mbabba waraayi tawnon.
(15) Gonndal kedde luwe.
(16) Ngikku diidol tepaare.
(17) Hannde tan, waddi ngel walaa baaba.
(18) Juulirde pobbi waane laahooru yaha.
(19) Ko henndu waddi duluur ɓotti.
(20) Ko nga saawi nga luuɓata (haccata).
